Panera de finales del sieglu XVIII, nel barriu del Fondu en Quimarán. Perteneciente al denomináu Estilu Carreño, foi construyida pol taller de Manuel Antonio Junquera Huergo, de los importantes d'aquellos años, que sobresalía pola elegancia nel trazu.
Diz d'ella Gerardo Diaz, na so publicación de "Maestros y talleres Estilo Carreño. Sieglu XVIII".
"Preside la composición una gran cartela que concentra una piadosa xaculatoria concepcionista y cierra el testu, con moldura de cantos romos, simétrica nos sos estremos cimeru ya inferior n'usu d'abanicos gallonados. Les puertes, de distribución clásica (bastidor, dos tables clavaes articulaes en cuatro casetones), someten a enmarques xeométricos florones de pétalos baleraos con gran finura para rellenar los distintos plafones. Coles mesmes resulten interesaos, detalles como el fechu de que se cubra l'interior de dellos campos con una trama incisa y puntiada, usada pol taller de la Catedral d'Uviéu, so la dirección de José Bernardo de la Meana, na caxa interior de les puertes del Templu".