Tanto el 1 d'agostu como tol añu, Candás ye la villa por excelencia pa esfrutar de les meyores sardines a planchar de la rexón.

Pexe azul

La sardina ye un pexe azul, como los boquerones, el bonitu, l'atún, los xureles, la parrocha o la xarda. El pexe azul ye menos sedentariu que'l blancu, d'ende la so mayor necesidá de grasa, y nada cerca de la superficie. Aconseya incluyíselo na dieta a lo menos dos o trés vegaes a la selmana, pol so conteníu n'ácidos grasos omega 3.

La so plena temporada ye el branu, que ye cuando les sardines tán más sabroses.

Una receta: sardines al ajillo

Ingredientes (pa 2 persones): 10 sardines, aceite d'oliva, ayu y guindilla.

Preparación: nuna cazuela de folla asítiense les sardines llimpies, ensin cabeza y ensin tripes, colos ayos picaos finos y la guindilla. N'una sartén calezse abondosu aceite hasta que fumie, arrámase sobre les sardines y cocínense al fueu hasta que los ayos cueyan color. Sirvir nel actu.

Les cites d'agostu

• 1 d'agostu: San Félix en Candás.
• 1 d'agostu: Festival de la Sardina, fiesta d'interés turísticu rexonal.
• 16 d'agostu: romería de San Roque en Candás.