Tomando el puertu de Candas como orixe pueden faese munches rutes a la vera la mar con formoses vistas, fáciles de realizar, por tener bon firme, y tamién por tener desniveles mínimos, que resulten bien accesibles pa toos.
Quiciabes la más popular ye esta que nos lleva a lo llargo del paséu que bordia les sableres dende Candas hasta la entrada de Perlora con un percorríu de 2,4 km.
El percorríu por Perlora, dende la entrada hasta l'otru estremu onde puede enllazase cola Via Verde del Tranqueru, nel Parking sobre Carranques, ye un kilómetru más.
Esti percorríu por Perlora podemos faelo polos cantiles, magar nesti casu, la ruta nun ye accesible, y nun s'encamienta para uso cicloturista. Pa estos dos casos esiste la opción de percorrer les cais de la Urbanización ente zones verdes, tamién bien próximes al mar.
Si les fuerces acompáñennos, una vegada yá sobro la última sablera de Perlora, podemos siguir hasta Xivares pela Vía verde del Tranqueru. Van Ser 1,6 km más, y claro, si queremos volver a Candas, dende Xivares, falamos d'un total de 10 km.
Estes siendes tamién enllacen cola ruta de la Formiga (dende el mesmu Candas, ver ruta de La Formiga) yá abondo más esixente. Esti itinerariu ye aptu pa persones que se muevan con dificultá o en siella de ruedes, pero s'encamienta evitar la xubida al mirador de La Formiga, porque ye un tramu con muncha rimada y ensin arcén.
Percorríu Candas-Perlora 3,4 km
Ye accesible y d'usu piatonal y cicloturista.