El Centru d'Escultura de Candás, Museo Antón, abrió les sos puertes el 13 de xunetu de 1989. Nació de la donación que los herederos del escultor candasín Antonio Rodríguez García, «Antón» (1911-1937), fixeron al Conceyu de Carreño.

L'edificiu y el parque escultóricu

El muséu ocupa la casona de les Estrada-Nora, un edificiu de finales del sieglu XVIII. Ta arrodiada d'un ampliu xardín nel que s'instalaron escultures al campu: foi el primer parque escultóricu d'Asturies.

La colección

La planta baxa tien trés sales pa esposiciones temporales. El primer pisu ta dedicáu por completu a la obra d'Antón: xuna selección de pieces realizaes ente 1928 y 1936, que toma prácticamente toos les sos temes y técniques. Al pie de les escultures esponen dibuxos, acuareles y pintures del artista. En total, la colección axunta más de 350 pieces.

Datos prácticos

Plaza del Cueto, s/n, Candás. Pa horarios y visites de grupos, consultar na Oficina de Turismu.