Barriu de les Rederas y los Rapacinos de barcu
Poema del panel d'entrada (J.M. García )
Esti pueblu el nuesu empináu paecía nun perder l'aldu de xubida y de la so hestoria mientres les rederas (y tamién los rederos) entre jaretas, chicotes y boyes de corchu y de cristal, siguieren iguando, mañana y tarde, el pañu coles sos manos d'obreres de la mar. Faciendo, como si tocaren el harpa, molinetes, cimuestras y nuedos imposibles qu'ensobiaren pa siempres a Candás cola mar. El rapacín de barcu, criatura de l'alba, rubiu como el sol, moricu como la nueche, que dende l'arrabalde a les cais de la mar, de borda a borda, espierta a los marineros na hora deshabitada de l'amanecida: ¡Señooor Manueeel, que baxe pa la maaar!...
-yos Rederes
Esti oficiu solíen desempeñalo muyeres, anque tamién podíen faelo homes. Consistía nel arreglu y recosíu de les redes de pesca, polo que yera xuna xera bien apreciada.
Los Rapacinos del barcu
El rapacín de barcu yera l'encargáu de dir buscar, casa per casa, a los miembros de la compaña. De normal adolescente, tenía que llevantase el primeru de toos, y entá de madrugada diba de casa en casa llamando dende la cai a cada unu de los miembros de la tripulación pa esperta-yos y que fueren a la mar.
Tamién tenía que realizar otres xeres auxiliares importantes como dir buscar l'agua, remanar el carru pa tresportar la pesca o llimpiar la llancha tres el so regresu