Barriu de los Boteros
Poema del panel d'entrada (J.M. García )
Vistiendo les sos ropes de mahón, vienen los boteros de la so soledá; d'esi puru silenciu ensin más rumores que l'oral y el xuxuriu que faen la rede y los sedales cuando halan el pexe. Peces que xuben de lo fondo, con cabeces de palombu, nales d'arcánxel, escayos d'alacrán y cuerpos de serena ...toos de colores.
Los Boteros
El botero ye el pescador de baxura que realiza la pesca nes cercanías de la mariña.
De normal yeren persones mayores, que pescaben dende la llancha nes cercanías del puertu, al que tornaben nel día. Los sos artes de pesca yeren artesanales y solían dedicase al pexe de roca y al mariscu.