Salida. Final de ruta “Sienda costera que percorremos en sentíu inversu.
Dificultá: Fácil.
Percorríu: 450 m (ida ). Usu piatonal y cicloturista, accesible.
Parte dende la escampada del campusantu a la que podemos llegar en coche dende el barriu de Piñeres, dende onde puede reparase la villa de Candás. Esti barriu ye xuna bona amuesa de la crecedera de Candás, que foi ganando terrenal escontra cotes más elevaes y menos protexíes, por comparanza, colos allugamientu orixinariu, ocultu, dende equí, no fondero de la vaguada del puertu.
Si se repara bien el faru de San Antonio, escontra el cual, primero en descensu y dempués bordiando cantiles, conduznos la nuesa ruta.
Yá nel Faru de San Antonio, dende el, escontra el Noroeste, a la nuesa esquierda mirando al mar, reparamos, al fondu, la rasa qu'ampara a Lluanco, capital del vecín conceyu de Gozón, rematando na Punta del Caballu ,( que despinta de la mesma a la Punta de la Vaca ). Más próxima, la mariña de Antromero, que presenta un altu interés xeolóxicu, cola singularidá de la nidia cayida escontra el mar de la península, inusual na fachada marítima asturiana.
Si se sigue andando pueden vese la capiya de San Antonio, dos cañones reales del s. XVIII, y el Parque Escultóricu del Muséu Antón, completando entós xuna distancia de 1 km.