Asitiáu nel Bº Sopeñes, de la Parroquia del Valle. P'aportar a esti llugar encamentar dende l'AS-19, dirección Xixón-Avilés, P.K. 11,500, onde se toma la carretera CE-5, dirección a Santolaya del Valle, cruciando la CE-6, con dirección al Monte Areo, a unos 200 metros a la derecha, atópase el citáu Molín.
Esti molín ye l'únicu de Carreño que tenía en 1915 permisu de la Comisaría d'Agües pa ser utilizáu nes xeres de moler, hasta aprosimao 1933, momentu en que cesó la so actividá. El Molín foi mandáu construyir por Álvaro Cuervu, en llegando a un alcuerdu con cinco persones más.
Como característiques tien: Canal de piedra d'hasta 7 metros d'altor, moxeca reconstruyida y merendal. El rodendu atópase semidestruido. La caseta d'este molín ta fecha con piedra llabrada y el so suelu tamién ye de piedra.
Dende 1990, dichu molín pasó a ser propiedá d'Emilio Martínez Menéndez, (Emilio Repinaldo), que mora a unos 80 metros del mesmu. Foi reconstruyíu por él en 1998, siendo el so estáu de caltenimientu bien bonu. Nel interior del molín y na panera del Repinaldo hai patrimoniu etnográficu de gran valor; Palancaneru, xuna trubiecu de xergón fechu con fueyes de panoya, xuna chicolatera de madera, xuna goxa y un galipu de madera, ente otros.
Pa el so funcionamientu utilizaben les agües del ríu Sopeñes, y al nun esistir abondu caudal d'agua, nun ye utilizáu como molín.