Allugada na paré onde ta la entrada principal de la Ilesia de Santolaya d'El Valle, concretamente a la derecha y dientro del cabildru, pero ésta nun foi el so allugamientu orixinal, enantes había estáu asitiada dientro de la Ilesia, pero por cuenta de la construcción de los retablos dexaba de ser visible, polo que se decidió el so treslláu.
Aportar al llugar dende l'AS-19, Xixón-Avilés, el P.K. 11,500, tómase esviadura a la izquierda, depués tómase carretera CE-5 con dirección Santolaya d'El Valle, señalizada, que conduz directamente a la Ilesia que la alluga.
Consta d'una llábana de piedra pizarrosa con una inscripción en lletres mayúscules de tipu visigodu. Esta llábana, del añu 951, tien fechada la inscripción d'ésta nel añu 989. Perteneció ensin dulda a una ilesia sumida allugada nel Monte Areo. La Ermita de San Pedro y San Pablo. Tuvo como misión primer, señalar la presencia de les reliquies de dicha Ermita, que darréu fueron llevaes a la Ilesia d'El Valle en 1874. La piedra epigrafiada, mide 43 x 44 cm. y la so caxa d'escritura 37 x 39 cm. La so escritura va toa en mayúscules, predominando la uncial como traza redonda rústicu.
La inscripción de la llábana traducida al castellán ye:
"Pol honor de San Pedro y San Pablo Apóstoles hai guardaes nel altar les reliquies de Santiso, de Santa Águeda, de Santa Pelaya, y Marina Virxe. Nesti templu qu'edificó Alfonso fíu del príncipe Froilan baxu ser DCCCCLXXXIIII a día terceru (de ...)"