Allugada nel Bº. El Fondu de Quimarán, na paraxa conocida como ¿La Nozaleda¿, por cuenta de la esistencia de dellos nozales pol llugar, años tras.
Aportar al llugar dende l'AS-19, Xixón-Avilés, P.K. 6,300, onde se toma a la izquierda carretera CE-6 dirección Serín y a unos 3.5 km. entrar nel barriu El Fondu y tomando a la derecha camín asfaltáu, a unos 200 m. atópase la Ilesia en cuestión.
El Templu ye de forma rectangular y cabecera cuadrada, bien del estilu popular asturianu, sufrió delles reformes, especialmente nel cabildru que se sustituyó por un cuerpu cúbicu prácticamente zarráu y adosáu nel frente de la fachada. Esta Ilesia foi quemada mientres la Guerra Civil Española y reconstruyida darréu. Foi xuna de les donaciones feches pol Rei Alfonso III ¿El Magno¿ y la so muyer la Reina Jimena a la Ilesia d'Uviéu.
Nel so interior hai un llenzu de la Virxe de Guadalupe, que foi donáu por un fíu de la parroquia emigrante en tierres mexicanes, foi restauráu sobro l'añu 1996.
Coles mesmes, tamién esiste un Panteón parroquial de los Villar, que data del sieglu XIX, concretamente del añu 1820. L'últimu enterramientu foi el de Francisco Quirós de Villar el 3 de xunu de 1919.
N'anguaño 1820, quedaron prohibíos los enterramientos nel interior de la Ilesia, pasando a llevase a cabu nel Campusantu amiesto al Templu.
La festividá de San Esteban, patronu de Quimarán, celébrase el 26 d'avientu.
Otra festividá que se celebró mientres años na Ilesia en cuestión, foi el ¿Día de la Raza ¿. El 12 d'ochobre, entamada en collaboración cola Casa de México n'Asturies.