Una panera de finales del sieglu XVIII en Xelaz, un barriu de la parroquia carreñense de Prevera.
Construyida pol taller del Cenizal (carpinteros procedentes de l'aldega del mesmu nome, na parroquia de Arlos de Llanera ), amuésanos una puerta tallada con motivos xeométricos y delles colondres faciendo referencia a la cronoloxía, amás d'amosar un tetrasquel, figures d'abanicos y vanos de ventilación.