Tratar d'un percorríu circular de 10 Kms. con bicicletes bien especiales por unes paraxes inigualables por que lo percuerras en compañía de la vuesa familia y esfrutar toos xuntos de la naturaleza y el deporte.
Salimos y llegamos a l'aula didáctica del Neolíticu Monte Areo, onde se recreen antigües formes de vida y de muerte colos testigos d'aquellos tiempos, les sos tumbes dolméniques.
Vamos Transitar per zones que caltienen l'espíritu de les muyeres de la Paxa y les sos cestes de pexe fresco, vamos percorrer caminos reales, el tramu d'una Vía Verde y tamién un tramu del Camín de Santiago.
Llucha, guerra y muerte quedaron inmortalizados nel campu d'aviación que vos saldrá al pasu xuntu con Fuentes y llavaderos que fueron testigos de les cites diaries ente les muyeres paisanes nel so quefer diariu.
La tradición y les creencies relixoses dexaron la so buelga nes ilesies llenes d'Hestoria que vais atopar nel vuesu trayectu como la capiya La nuesa Señora de los Remedios alzada a Santuariu en 2014 segunda virxe Canonizada n'Asturies.
Vamos Ver el máximu esponente de l'arquitectura costumbrista hestórica: horros y paneres estilo únicu y espectacular de Carreño que vos saldrán al alcuentru, tremaos na vuesa ruta.
En tou momentu la paz, la tranquilidá, la llibertá y l'aselu nestos espectaculares miradores que te dexen aisllate del ruiu y les prieses zambulléndote nel corazón d'Asturies: les sos xentes, los sos paisaxes y los sos productos.
La ruta ye accesible ya inclusiva gracies a les sos bicicletes especiales que dexen vivir dafechu l'espíritu de les Pilastres de Carreño