Aportar al llugar dende la carretera AS-19, Xixón-Avilés, onde nel P.K. 6,300, tómase carretera CE-6 dirección Serín para a 1.100 m. xirar a la izquierda y tres el so pasu pol Bº Baragaña a unos 800 m. llegar a la citada Ilesia.
Dicha ilesia pertenez a la dómina del románicu, (construyida escontra el sieglu XII ), calteniendo d'ésta el pórticu y los contrafuertes qu'estremen al cruceru. El pórticu presenta la estructura característica de la obra románica, anque yá puede apreciase un tímpanu preludiu del posterior góticu.
Los capiteles con volutes suxuren el xónicu, amuesen motivos xeométricos y estríes ondulaes que paecen recordar les foles del mar cercanu.
Interior de la Ilesia San Juan Evanxelista (Abrir en ventana nueva )Esti templu tien xuna sola nave, rectangular y xuna Capiya Mayor, dixebraes por un arcu de trunfu. Adosáu al llau oeste de la nave añediéron-y un pórticu.
Según paez, esta ilesia ye la segunda más antigua del Conceyu de Carreño, dempués de la de Santa María d'El Pieloro.
El Patronu de Prevera, ye San Juan celebráu el 24 de xunu y la patrona ye la Virxe del Carmen que se celebra el primer domingu d'agostu, celebrando xuna misa de campaña nel Prao de la romería.
Los accesos son bonos, nun tando señalizada el so allugamientu, siendo el so estáu de caltenimientu aceptable.