Allugada nel Bº Almiración de la Ilesia, de la parroquia de Tamón. Aportar a la mesma dende l'AS-19, Xixón-Avilés, y nel P.K. 15,400 llegar a la rotonda de Tabaza, pa ellí tomar la carretera AS-326, dirección Serín. En circulando 700 m. por ésta, a la derecha reparar la citada Ilesia.
La parroquia de San Juan Bautista de Tamón, foi donada nel añu 1150 pola Reina Dña. Pega a la Catedral d'Uviéu. El Templu ta allugáu nel llugar onde de primeres foi construyíu, esto ye, xuntu al encruz de los antiguos Caminos Reales, de Xixón-Avilés y Lluanco-Uviéu.
Esti Templu, al que se xube dende la carretera AS-326, por una escalera de piedra de dolce pasos, presenta xuna orixinal torre cuadrangular, estrecha y rematada en pirámide. Escarez d'indicadores pal so localización, siendo los accesos de tremáu asfálticu en bon estáu de caltenimientu.
El patronu de la parroquia ye San Juan Bautista, que se celebra el 24 de xunu, celebrándose la fiesta de la Sacramental, el primer domingu d'agostu.